ბარსა მორიბასთან კონტრაქტს არ გაახანგრძლივებს - ილაიში კლუბს ტოვებს | MD
Mundo Deportivo-ს მიერ გავრცელებული ინფორმაციის თანახმად, "ბარსელონასა" და ილაიშ მორიბას შორის ახალი კონტრაქტი არ გაფორმდება, რაც იმას ნიშნავს, რომ 18 წლის ტალანტი კატალონიურ კლუბს დატოვებს.
წყაროს ცნობით, "ბარსამ" მორიბას ხელშეკრულების გახანგრძლივება უკვე გამორიცხა. კატალონიური კლუბი იმედოვნებს, რომ მომდევნო კვირიდან ახალგაზრდა მოთამაშის ტრანსფერის თაობაზე შემოთავაზებებს მიიღებს. თუ რამე გაუთვალისწინებელი არ მოხდა, ილაიში "ბლაუგრანას" დატოვებს.
იგივე წყარო იტყობინება, რომ "ბარსელონა" მორიბას 25-30 მილიონ ევროდ გაშვებას აპირებს.
"ბარსა" და მორიბა ახალ კონტრაქტზე მოლაპარაკებებს ბოლო რამდენიმე თვე აწარმოებდნენ, მაგრამ მხარეები ფინანსურ პირობებზე ვერ თანხმდებოდნენ. როგორც ჩანს, "ბლაუგრანამ" 18 წლის ფეხბურთელთან ხელშეკრულების გახანგრძლივებაზე საბოლოოდ უარი თქვა.
ამ სიახლეზე კომენტარები გათიშულია.
კომენტარები [ 13 ]