CVC ფონდი ლა ლიგასთან ხელშეკრულებაში ახალ პუნქტს ამატებს

2PlayBook-ის მიერ მოპოვებული ინფორმაციის თანახმად, CVC ფონდი "ბარსელონასა" და "რეალს" გარიგების მიღმა დარჩენის უფლებას აძლევს.

როგორც იცით, CVC ფონდი და ლა ლიგა ხელშეკრულებაზე მუშაობენ, რის შედეგადაც, ლა ლიგა 2,4 მილიარდზე მეტს მიიღებს.

აქედან "ბარსელონასა" და "რეალს", დაახლოებით, 300-300 მილიონი ევრო ეკუთვნოდათ იმ შემთხვევაში, თუ ისინი სატელევიზიო უფლებების 10%-ს მომავალი 50 წლით დათმობენ.

ახალი შეთავაზების მიხედვით კი, იმოქმედებს პუნქტი, რომელიც შეთანხმების წინააღმდეგ მყოფ კლუბებს გვერდით გადგომის საშუალებას  მისცემს.

აღნიშნულ საკითხზე ლა ლიგის ასამბლეა დღეს უნდა შედგეს. თუმცა გუშინ ესპანეთის ფეხბურთის ფედერაციამ ზემოხსენებულ შეთანხმებას მხარი არ დაუჭირა.