მარტინ ბრეითუეიტის მიღწევა ლა ლიგაში

"ბარსელონა" ამ წუთებში ლა ლიგის პირველი ტურის მატჩში შინ "სოსიედადს" ანგარიშით 3-0 ამარცხებს. შეხვედრაში "ბლაუგრანას" შემტევმა მარტინ ბრეითუეიტმა 2 გოლის გატანა მოახერხა და ესპანეთის ჩემპიონატში უნიკალური დანიური მიღწევის შემოქმედი გახდა.

სპორტული სტატისტიკის მწარმოებელი კომპანია Opta-ს ინფორმაციით, ბრეითუეიტი "სოსიედადთან" გატანილი 2 ბურთის წყალობით პირველი დანიელი ფეხბურთელია, რომელმაც ლა ლიგაში 21-ე საუკუნეში დუბლი შეასრულა.

ბრეითუეიტი "ბარსაში" 2020 წლის თებერვლიდან ირიცხება. 30 წლის თავდამსხმელი მანამდე ესპანეთის ჩემპიონატში "ლეგანესის" რიგებში გამოდიოდა.