ბარსელონას მაღაზიაში მესის მაისურები ისევ იყიდება

დაახლოებით უკვე 2 კვირაა, რაც "ბარსელონამ" ლიონელ მესის გუნდიდან წასვლა ოფიციალურად გამოაცხადა, მაგრამ კატალონიური კლუბის ოფიციალურ მაღაზიაში არგენტინელი ვარსკვლავის მაისურები კვლავ შეიმჩნევა.

ბარსელონელი ჟურნალისტის, მარია გარიდოს მიერ გავრცელებული ინფორმაციით, მესის 10-ნომრიანი მაისურები "კამპ ნოუს" მაღაზაიში ისევ გაყიდვაშია, თუმცა, ივარაუდება, კლუბი არგენტინელის ფორმას გაყიდვიდან მალე ამოიღებს. როგორც ჩანს, კატალონიელები ამჟამინდელი მარაგის ამოწურვას ელოდებიან.

"ბარსადან" გაშვების შემდეგ მსოფლიოს საუკეთესო ფეხბურთელი "პარი სენ-ჟერმენში" გადავიდა. ცნობისთვის, AS-ის მიერ რამდენიმე დღის წინ გავრცელებული ცნობებით, პსჟ-მა მესის 150 ათასზე მეტი მაისური სულ რაღაც 7 წუთში გაყიდა.