ბარსელონა კოუტინიოს 10 ნომერს სთავაზობს

"ბარსელონა" ფილიპე კოუტინიოს თავის გამოჩენის უკანასკნელ შანსს აძლევს.

Mundo Deportivo-ს ინფორმაციით, "ბარსელონა" ბრაზილიელს 10-ნომრიან მაისურს სთავაზობს, რადგან ამჟამად გუნდში სხვა ნომრები თავისუფალი არაა. ვაკანტურია მხოლოდ 25 ნომერი, რომელიც, ლა ლიგის წესების მიხედვით, მეკარემ უნდა აიღოს. 

წყაროს ცნობით, 29 წლის ნახევარმცველს ზედმეტი პასუხისმგებლობის აღება არ სურს, რაც ლეო მესის ნომრის მორგებას აუცილებლად მოჰყვება, თუმცა ამაზე იფიქრებს. თუ კოუტინიო "ატლეტიკთან" მატჩის განაცხადში მოხვდება, მას ზურგზე სწორედ 10 ნომერი ეწერება.

MD-ს თანახმად, ბრაზილიელი რონალდ კუმანის გეგმებში შედის. პედრის ზედმეტი დატვირთვისა და ილაიშ მორიბას სიტუაციის გათვალისწინებით, მას ნახევარდაცვაში თამაშის შანსი მიეცემა. 

ამასთან, "ბარსელონა" ფილიპეს გასხვისებას ვერ ახერხებს. 

ყველაფრის გათვალისწინებით, მიმდინარე სეზონი კოუტინიოსთვის თავის დამკვიდრების ბოლო შანსი იქნება. მას "ბარსასთან" კონტრაქტი 2023 წელს ეწურება.