ორიოლ ბუსკეტსი ფრანგულ კლერმონში გადადის

ორიოლ ბუსკეტსმა, რომელმაც "ბარსელონა" მიმდინარე ზაფხულში დატოვა, ახალი გუნდი უკვე იპოვა.

Mundo Deportivo-ს ინფორმაციით, 22 წლის ფეხბურთელი ლიგა 1-ში ახლახან დაწინაურებულ "კლერმონ ფუტში" გადასვლასთან ძალიან ახლოსაა. ესპანელი ახალ გუნდთან 3-წლიან ხელშეკრულებას გააფორმებს.

ბუსკეტსი "ბარსას" ახალგაზრდულ გუნდებში 14 წლის განმავლობაში ასპარეზობდა, ერთი სეზონი მან იჯარით "ტვენტეში" გაატარა. 

ორიოლმა "ბლაუგრანასთან" კონტრაქტის გახანგრძლივებაზე უარი თქვა. ის კატალონიურ კლუბს დღეს დაემშვიდობა.