მორიბას აგენტებმა ტოტენჰემს მაღალი მოთხოვნები წაუყენეს

"ბარსელონას" ახალგაზრდა ნახევარმცველი, ილაიშ მორიბა "ტოტენჰემში" გადასვლასთან ახლოსაა.

ცნობილი ჟურნალისტის, ჟერარ რომეროს ინფორმაციით, გვინეელი ფეხბურთელის აგენტები ლონდონური კლუბისგან, საკუთარი კლიენტისთვის, წლიურად, 8-10-მილიონიან ხელფასს ითხოვენ.

ამასთანავე, ტრანსფერის განსახორციელებლად, "სპურსს" მოუწევს, ილაიშის აგენტებსა და მამას დამატებით 15 მილიონი ევრო გადაუხადოს.

მიმდინარე სატრანსფერო ფანჯარა 31 აგვისტოს იხურება, შესაბამისად, თუ მხარეები შეთანხმებას 3 დღეში ვერ მიაღწევენ, მორიბა მთელ სეზონს ტრიბუნებზე გაატარებს, 2022 წელს კი იგი კატალონიურ გრანდს თავისუფალი აგენტის სტატუსით, უფასოდ დატოვებს.