17-ნომრიანი მაისურის წყევლა, რის დასრულებასაც ლუკ დე იონგი შეეცდება

გასული ზაფხულის სატრანსფერო ფანჯარაზე "ბარსელონას" ბოლო შენაძენი ლუკ დე იონგია, რომელიც კატალონიურ გრანდში 17-ნომრიან მაისურს მოირგებს.

როგორც Mundo Deportivo იტყობინება, ნიდერლანდელი "ბარსაში" 17 ნომრის "წყევლის" დასრულებას შეეცდება - 1996 წლის შემდეგ, ამ ნომრით "ბლაუგრანაში" წარმატებით მხოლოდ პედრო როდრიგესმა ითამაშა.

დე იონგამდე 17-ნომრიანი ლურჯ-ბროწეულისფერი მაისურით შემდეგი ფეხბურთელები ასპარეზობდნენ: ემანუელ ამუნიკე (1996/97), ალბერ სელადესი, (1997/98, მხოლოდ ევროასპარეზზე), უინსტონ ბოგარდი (1997/00), ემანუელ პეტი (2000/01), ფილიპ კრისტანვალი (2001/02), გაისკა მენდიეტა (2002/03), მარკ ვან ბომელი (2005/07), ჯოვანი დოს სანტოსი (2007/08), პედრო როდრიგესი (2010/13), ალექს სონგი (2013/14), მუნირ ელ ჰადადი (2015/16), პაკო ალკასერი (2016/18), ხეისონ მურილიო (2018/19), ანტუან გრიზმანი (2019/20) და ფრანსიშკუ ტრინკაუ (2020/21).