ოფიციალურად: მარტინ ბრეითუეიტს ოპერაცია სჭირდება

"ბარსელონას" ოფიციალური ვებგვერდის ინფორმაციით, გუნდის დანიელი თავდამსხმელი მარტინ ბრეითუეიტი ოპერაციას გაიკეთებს.

"ბლაუგრანას" ოფიციალური საიტის ცნობით, ბრეითუეიტს მარცხენა მუხლზე დაზიანება აქვს, რომელიც კონსერვატიულ მკურნალობას არ ექვემდებარება. 30 წლის შემტევს ოპერაცია უახლოეს დღეებში ჩაუტარდება.

ჯერჯერობით უცნობია, რა დრო დასჭირდება ბრეითუეიტის გამოჯანმრთელებას. ყველაფერი ცნობილი ოპერაციის შემდეგ გახდება.

მარტინ ბრეითუეიტმა ტრავმის მიღებამდე მიმდინარე სეზონში 3 მატჩის ჩატარება მოასწრო. მან მოედანზე 226 წუთი გაატარა, 2 გოლი გაიტანა და 1 შედეგიანი გადაცემა გააკეთა.