შეფილდს კოლიადოს შეძენა ისევ სურს

ინგლისური "შეფილდ იუნაიტედი" "ბარსელონას" ახალგაზრდა შემტევი ნახევარმცველით, ალექს კოლიადოთი კვლავ დაინტერესებულია. ამ ინფორმაციას Mundo Deportivo ავრცელებს.

"ბარსელონამ", მისი სურვილის მიუხედავად, კოლიადოს დარეგისტრირება ვერ მოახერხა. "ბლაუგრანამ" მარტინ ბრეითუეიტის მძიმე ტრავმის შემდეგ 22 წლის ფეხბურთელის დარეგისტრირება სცადა, მაგრამ ესპანეთის ფეხბურთის ფედერაციამ ამაზე უარი თქვა. კატალონიელები ცდილობენ, გამოსავალი იპოვონ.

MD-ს ცნობით, "შეფილდი" კოლიადოს დამატების სურვილს ისევ გამოთქვამს, მაგრამ ამ ეტაპზე საეჭვოა, გაუკეთებს თუ არა ინგლისური კლუბი "ბარსას" ახალ შემოთავაზებას ზამთრის სატრანსფერო ფანჯრის პერიოდში.

ალექს კოლიადომ მიმდინარე სეზონის დასაწყისში მონაწილეობა 3 ამხანაგურ მატჩში მიიღო და 1 გოლი გაიტანა.