გასულ სეზონში ჩატარებული 54 შეხვედრიდან ალბამ მხოლოდ 8 მატჩი გამოტოვა

"ბარსელონას" ძირითადი მარცხენა მცველი, ჟორდი ალბა ამჟამად ტრავმირებულია.

Mundo Deportivo-ს ინფორმაციით, 32 წლის უკანახაზელმა გასულ სეზონში, 54 შეხვედრიდან, 46 სასტარტო შემადგენლობაში დაიწყო - იმ 8 მატჩიდან, რომელშიც ალბას მონაწილეობა არ მიუღია, რონალდ კუმანმა 2 მათგანში მარცხენა ფლანგზე სერჟინიო დესტი გამოიყენა, 6-ში კი - ჟორდის პირდაპირი დუბლიორი - ჟუნიორ ფირპო (რომელიც კატალონიურ კლუბში აღარ ირიცხება).

მოსალოდნელია, რომ მომდევნო შეხვედრებში ალბას ახალგაზრდა ალეხანდრო ბალდე შეცვლის. 17 წლის ფეხბურთელს "ბარსას" რიგებში დებიუტი ჩემპიონთა ლიგაზე, "ბაიერნის" წინააღმდეგ ჰქონდა.