Sport: ჟოან ლაპორტა უსმან დემბელეს შეხვდა

ორშაბათს, "ბარსელონას" პრეზიდენტსა და გუნდის ფრანგ შემტევს, უსმან დემბელეს, შორის შეხვედრა შედგა, იტყობინება Sport.

კატალონიური გამოცემა წერს, რომ "გრანადასთან" მატჩამდე მხარეებმა ხელშეკრულების გახანგრძლივების საკითხი განიხილეს. ასევე, შეხვედრას ესწრებოდნენ მუსა სისოკო (დემბელეს აგენტი), მატეუ ალემანი (სპორტული დირექტორი) და რაფა იუსტე (ვიცე-პრეზიდენტი).

ლაპორტას 24 წლის ფეხბურთელთან კონტრაქტის გახანგრძლივება მარტიდან მოყოლებული სურს, უსმანი კი მის მიერ გამოჩენილ ნდობას აფასებს - მხარეებს შორის განწყობა პოზიტიურია.

კლუბის მიზანს, დემბელესთან შეთანხმების იანვრამდე მიღწევა წარმოადგენს. "ბარსა" მას 2-წლიანი ხელშეკრულების დადებას სთავაზობს. მოქმედ კონტრაქტს ვადა მომდევნო ზაფხულში ეწურება.