ჩავის ბარსელონას გაწვრთნაზე უარი არ უთქვამს
ახლახან პრესაში გავრცელდა ინფორმაცია, რომ "ბარსელონას" ლეგენდამ, კატარული "ალ სადის" ამჟამინდელმა მწვრთნელმა, ჩავი ერნანდესმა კატალონიური გუნდის ჩაბარებაზე უარი თქვა, თუმცა ეს ცნობები სიმართლეს არ შეესაბამება.
ვრცელდება ინფორმაცია, რომ "ბარსამ" რონალდ კუმანის გათავისუფლების გადაწყვეტილება უკვე მიიღო. "ბლაუგრანა" ნიდერლანდელი სპეციალისტის შემცვლელად, პირველ რიგში, რობერტო მარტინესს მოიაზრებს, რადგან ჩავი ამ მომენტისთვის "ბარსელონას" გაწვრთნაზე არ ფიქრობს, ეს კი, როგორც აღმოჩნდა, მხოლოდ ჭორებია.
ბარსელონელი ჟურნალისტის, ტონი ხუანმარტის ცნობით, კლუბში გაკვირვებულნი არიან გავრცელებული ინფორმაციით, რომლის თანახმადაც, ჩავიმ უარი განაცხადა. მათ ამის შესახებ არაფერი იციან.
AS-ის ჟურნალისტი და ჩავისთან დაახლოებული პირი ხავიერ მიგელი იტყობინება, რომ გავრცელებული ცნობები სიცრუეა და ესპანელ ლეგენდას "ბარსას" ჩაბარებაზე უარი არ უთქვამს.
ამ სიახლეზე კომენტარები გათიშულია.
კომენტარები [ 12 ]