პედრის 2-3 კვირა გაუცდება - კლასიკოში მისი თამაში საეჭვოა

"ბარსელონას" მდგომარეობა უფრო და უფრო რთულდება. დღეს ცნობილი გახდა, რომ კატალონიელთა ერთ-ერთი ყველაზე შეუცვლელი ფეხბურთელი პედრი ტრავმირებულია და ის "ატლეტიკოსთან" ხვალ გასამართ თამაშს გამოტოვებს.

დღეს ცნობილი გახდა, რომ პედრიმ ცოტა ხნის წინ მორჩენილი ტრავმა გაიმიზეზა. ამის მიზეზი, დიდი ალბათობით, ისაა, რომ სამწვრთნელო შტაბი ფეხბურთელის ბოლომდე გამოჯანმრთელებას არ დაელოდა და ის "ბენფიკასთან" მატჩში სასტარტო შემადგენლობაში დააყენა.

AS-ის მიერ გავრცელებული ინფორმაციის თანახმად ახალგაზრდა ფეხბურთელს 2-3 კვირა გაუცდება. ამ ინფორმაციის გათვალისწინებით, არაა გამორიცხული, ესპანელი ნახევარმცველი 24 ოქტომბერს გასამართ "ელ კლასიკოს" სრულ მზადყოფნაში ვერ შეხვდეს.