კონრადი: ბარსასთან შედარებით, აქ ვარჯიშები გაცილებით უფრო დატვირთულია
"ბარსელონას" ყოფილი ფეხბურთელი, კონრად დე ლა ფუენტე, რომელიც გასულ ზაფხულში "მარსელს" შეუერთდა, ამ ორ კლუბში არსებული ფიზმომზადების შესახებ საუბრობს.
ამერიკელი ამბობს, რომ ხორხე სამპაოლის გუნდში ფეხბურთელები გაცილებით უფრო სერიოზული დატვირთვით ვარჯიშობენ. სხვაობა იმდენად დიდია, რომ მას ახალ რეჟიმთან შეგუება გაუჭირდა.
აქ, ვარჯიშები ძალიან განსხვავებულია, განსაკუთრებით, პრესეზონის დროს. სხვაობა წარმოუდგენელია. ჩვენ დღეში ორ სესიას ვატარებთ. პირველი ვარჯიში დილის 8 საათზე იწყება, გაღვიძება 7 საათზე მიწევს.
ვარჯიში, დაახლოებით, ორი საათი გრძელდება, შემდეგ, 1 საათს დარბაზში ვატარებთ. ნაშუადღევს, კიდევ ერთხელ ვვარჯიშობთ. დასვენების დღეები არ გვაქვს. ამასთან შეგუება რთული იყო.
- ამბობს დე ლა ფუენტე ჟერარ რომეროსთან ინტერვიუში.
20 წლის ფეხბურთელის სანაცვლოდ, "ბარსელონამ" 3 მილიონი ევრო მიიღო.
ამ სიახლეზე კომენტარები გათიშულია.
კომენტარები [ 7 ]