ვინ არის აბდე ეზალზული, რომელიც ალავესთან მატჩის განაცხადში მოხვდა

აბდესამად ეზალზული "ალავესთან" მატჩისთვის "ბარსელონას" განაცხადში მოხვდა.

ახალგაზრდა ფეხბურთელი კატალონიურმა გრანდმა გასული ზაფხულის სატრანსფერო ფანჯარაზე, "ერკულესიდან", 2 მილიონ ევროდ სარეზერვო გუნდისთვის შეიძინა.

Mundo Deportivo-ს ინფორმაციით, აბდე თამამი გარემარბია, რომელიც დრიბლინგს ხშირად მიმართავს, ორივე ფეხს კარგად იყენებს და მეტოქეს საფრთხეს უქმნის. 19 წლის მაროკოელი მარცხენა ფლანგზე ასპარეზობს.

ახალგაზრდა შემტევს "ბლაუგრანასთან" კონტრაქტი 2024 წლამდე აკავშირებს.