ოფიციალურად: ქალთა ოქროს ბურთის მფლობელი ალეშია პუტელიასი გახდა

ოფიციალური ინფორმაციით, 2021 წლის ქალების "ოქროს ბურთის" მფლობელი ალეშია პუტელიასი გახდა.

ამ ნომინაციაში "ბლაუგრანას" 5 წარმომადგენელი ჰყავდა: ირენე პარედესი, ლიკე მარტენსი, ჯენიფერ ერმოსო და სანდრა პანიოსი.

ქალთა ფეხბურთში ყველაზე პრესტიჟული ინდივიდუალური ჯილდო 2019 წლიდან გაიცემა, შესაბამისად, ალეშიამდე ეს ტიტული მეგან რაპინოუმ და ადა ჰეგერბერგმა მოიგეს.

პუტელიასი "ლურჯ-ბროწეულისფერთა" რიგებში 2012 წლიდან ირიცხება - მთლიანობაში, მას მონაწილეობა 355 მატჩში აქვს მიღებული, მის ანგარიშზე კი, 151 გოლია.

ასევე, აღსანიშნავია ისიც, რომ 2020/21 წლების სეზონში მოგებულ ტრიპლეტში ალეშიამ უდიდესი როლი ითამაშა.

27 წლის შემტევი ნახევარმცველი IFFHS-მა ცოტა ხნის წინ წლის საუკეთესო ქალ ფეხბურთელად დაასახელა. ის ასევე UEFA-ს წლის საუკეთესო ფეხბურთელიც გახდა.