ბარსელონა ანტონი მარსიალითაც ინტერესდება

"ბარსელონა" იანვარში გუნდის გაძლიერებას გეგმავს. აქტიურად ვრცელდება ცნობები იმასთან დაკავშირებით, რომ კატალონიური კლუბის პრიორიტეტი სამიზნეები "მანჩესტერ სიტისა" და "მანჩესტერ იუნაიტედის" თავდამსხმელები, შესაბამისად, ფერან ტორესი და ედინსონ კავანი არიან.

Sport-ის ინფორმაციით, "ბარსა" "იუნაიტედის" კიდევ ერთი ფეხბურთელით, ანტონი მარსიალითაც ინტერესდება. კატალონიელები 26 წლის ფეხბურთელის ირგვლივ შექმნილ სიტუაციას თვალს ყურადღებით ადევნებენ, მაგრამ იგი "ბლაუგრანას" პრიორიტეტი არაა.

იგივე წყარო იტყობინება, რომ მარსიალს "მანჩესტერის" დატოვება უნდა. ფრანგმა შემტევა კლუბს წასვლის სურვილის შესახებ უკვე აცნობა. სავარაუდოდ, ამის მიზეზი სათამაშო დროის ნაკლებობაა.

მარსიალმა მიმდინარე სეზონში მონაწილეობა მხოლოდ 10 მატჩში მიიღო და 1 გოლი გაიტანა.