ბარსელონას სასტარტო შემადგენლობა ბოკა ხუნიორსის წინააღმდეგ

დღეს, "ბარსელონა" მარადონას თასზე "ბოკა ხუნიორსს" დაუპირისპირდება. 

ჩავი ერნანდესმა აღნიშნული შეხვედრისთვის "ლურჯ-ბროწეულისფერთა" სასტარტო შემადგენლობა დაასახელა.

4-3-3 | ნეტუ; დესტი, გარსია, ლანგლე, ბალდე; ალვესი, პუჩი, კოუტინიო; დემირი, ჟუტგლა, ალვარო სანსი

აღსანიშნავია თერთმეტეულში დანი ალვესის მოხვედრა, რომელიც დაბრუნების შემდეგ ლურჯ-ბროწეულისფერ მაისურს პირველად მოირგებს. როგორც მოსალოდნელი იყო, მწვრთნელმა ბევრ ახალგაზრდას მისცა შანსი. ფერან ჟუტგლა და ალვარო სანსი "ბარსელონა ბ-ს" ფეხბურთელები არიან, რომელთაც პირველ გუნდში დებიუტი ექნებათ. 

შეხვედრა საუდის არაბეთის დედაქალაქ ელ-რიადში სტადიონ "მრსულ პარკზე" გაიმართება და სტარტს თბილისის დროით 21:00 საათზე აიღებს.