სერჟინიო დესტი ბაიერნთან მოლაპარაკებებს აწარმოებს - ჟერარ რომერო
"ბარსელონას" მარჯვენა მცველი სერჟინიო დესტი, შესაძლოა, "ბაიერნში" გადავიდეს. ამის შესახებ ინფორმაციას ცნობილი სპორტული ჟურნალისტი ჟერარ რომერო ავრცელებს.
აქამდე უკვე გავრცელდა ინფორმაცია "ბაიერნის" მიერ დესტით დაინტერესების შესახებ, ახლანდელი ცნობებით კი 21 წლის ამერიკელი მიუნხენურ გუნდში გადასვლას უახლოვდება.
წყაროს ინფორმაციით, დესტი "რეკორდმაისტერთან" ტრანსფერის იანვარში განხორციელების თაობაზე მოლაპარაკებებს აწარმოებს.
საინტერესოა, რომ განსხვავებულ ცნობებს ავრცელებს ბარსელონელი ჟურნალისტი ხუან ხიმენეს სალვადო. იგი იტყობინება, რომ "ბარსა" და "აიაქსი" იანვრისთვის დესტისა და ნუსაირ მაზრაუის გაცვლას განიხილავენ.
დესტი "ბლაუგრანას" 2020 წლის ზაფხულში შეუერთდა. მის აქტივში კატალონიური გუნდის მაისურით 57 თამაში, 3 გოლი და 4 ასისტია.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 7 ]