დანი ალვესი: ამდენი ხნის შემდეგ კვლავ ბარსასთვის თამაში დიდი პრივილეგიაა
"ლინარესთან" მატჩი "ბარსელონას" ლეგენდის, დანი ალვესისთვის კატალონიურ კლუბში დაბრუნების შემდეგ პირველი იყო.
აღნიშნულთან დაკავშირებით ბრაზილიელი კომენტარს აკეთებს:
"ამდენი ხნის შემდეგ კვლავ "ბარსასთვის" თამაში დიდი პრივილეგიაა. ვცდილობდი, სიამოვნება მიმეღო და თანაგუნდელებს გამარჯვებაში დავხმარებოდი.
დღეს თამაში დაცვასა და ნახევარდაცვას შორის მიწევდა. ეს ის პოზიციაა, რომელზეც ვდომინირებ. ასეთი დონის ფეხბურთელებთან ყოფნა ყველაფერს ამარტივებს.
პირველი მატჩის შემდეგ მოედანს მოგების გარეშე ვერ დავტოვებდი. ლურჯ-ბროწეულისფერი მაისურით ოფიციალურ შეხვედრაში თამაშით ძალიან ბედნიერი ვარ, თავში ბევრი რამ მიტრიალებს. თასს ის მოიგებს, ვინც თავდაუზოგავად იბრძოლებს.
მეტოქეებს კონკურენცია უნდა გავუწიოთ და ვიცოდეთ, როგორ მოვიგოთ მატჩები. ბოლო წუთამდე ბრძოლა გვმართებს - მოგება ამის გარეშე წარმოუდგენელია. ამ გუნდს ტიტულები უნდა მოვუტანოთ.
დღევანდელი დღე განსაკუთრებულია. ამ ტურნირზე მოგონებების გახსენება ძალიან სასიამოვნო იყო".
38 წლის ფეხბურთელმა, რომელიც "ლინარესის" წინააღმდეგ შეტევაში ასპარეზობდა, SofaScore-სგან ყველაზე მაღალი შეფასება დაიმსახურა.
ამ სიახლეზე კომენტარები გათიშულია.
კომენტარები [ 12 ]