ადამა ტრაორე ბარსელონას უახლოვდება

"ბარსელონა" "ვულვერჰემპტონის" გარემარბის, ადამა ტრაორეს დამატებაზე სერიოზულად მუშაობს. ამ ინფორმაციას Mundo Deportivo ავრცელებს.

წყაროს ცნობით, "ვულვზთან" მოლაპარაკებები წარმატებით მიმდინარეობს და მასში პროგრესი შეიმჩნევა.

ასევე MD იტყობინება, რომ "ბარსა", სავარაუდოდ, ტრაორეს გამოსყიდვის უფლებით იჯარით აიყვანს, მაგრამ მუდმივი ტრანსფერიც არაა გამორიცხული. 26 წლის ესპანელი "ბლაუგრანაში" სიამოვნებით დაბრუნდებოდა.

იმავე წყაროს ინფორმაციით, "ბარსელონას" უნდა, რომ ადამას შესაძლო ტრანსფერში ფრანსიშკუ ტრინკაუ ჩართოს, რომელიც "ვულვერჰემპტონში" განათხოვრებულია.