Spotify Camp Nou - ბარსელონა 5 მილიონ ევროს მიიღებს

RAC1-ის ინფორმაციით, Spotify-სთან გარიგების დადების შემდეგ, "ბარსელონას" საშინაო არენას "Spotify კამპ ნოუ" დაერქმევა.

შვედური კომპანია "კამპ ნოუს" სახელზე უფლებას რეკონსტრუქციის დაწყების შემდეგ მიიღებს. სავარაუდოდ, "ბლაუგრანას" საშინაო მატჩების ჩატარება, მინიმუმ, ერთი სეზონის განმავლობაში სხვა სტადიონზე მოუწევს. ვინაიდან ამ პერიოდში "კამპ ნოუ" ყურადღების ცენტრში არ იქნება, Spotify არენის სახელში 5 მილიონ ევროს გადაიხდის, რეკონსტრუქციის დასრულების შემდეგ კი შვედებს სახელზე უფლების ქონის გახანგრძლივების ოფცია ექნებათ, რა თქმა უნდა, გაზრდილი საფასურის სანაცვლოდ.

ასევე, Spotify-ს წარწერა "ბარსელონას" მამაკაცთა და ქალთა საფეხბურთო გუნდის მაისურების წინა მხარეს და სავარჯიშო ფორმის უკანა მხარეს გამოჩნდება.