ბარსელონამ გასულ ზაფხულში ატლეტიკოს ჟოაუ ფელიშის თაობაზე მიმართა

გასულ ზაფხულში ანტუან გრიზმანი "ბარსელონადან" "ატლეტიკოში" გადაბარგდა. ამ დროს ვრცელდებოდა ცნობები, რომ "ბარსას" ტრანსფერში ჟოაუ ფელიშის ჩართვა სურდა.

მატეო მორეტოს ინფორმაციით, წინა ზაფხულში "ლურჯ-ბროწეულისფერებმა" მადრიდელებს ახალგაზრდა პორტუგალიელის თაობაზე მართლაც მიმართეს - მათ უნდოდათ, ჟოაუ იჯარით აეყვანათ, შემდეგ კი მისი გამოყიდვის უფლება ჰქონოდათ.

მიუხედავად ამისა, იტალიელი ჟურნალისტის თქმით, "როხიბლანკო" ყოველთვის გარკვევით მიუთითებდა, რომ ფელიში ხელშეუხებელია.

შესაბამისად, კატალონიურმა გრანდმა გრიზმანის სანაცვლოდ ჟოაუ ვერ მიიღო და სატრანსფერო ფანჯრის ბოლო დღეს ლუკ დე იონგი დაიმატა. ამჟამად ანტუანი "ატლეტიკოში" განათხოვრებულია, სეზონის ბოლოს კი მადრიდლეებს მისი 40 მილიონ ევროდ გამოსყიდვის ვალდებულება აქვთ.