TV3: ბუსკეტსი 2023 წელს ბარსელონას დატოვებას გეგმავს

TV3-ის ჟურნალისტის, ჩავი კამპოსის ინფორმაციით, სერხიო ბუსკეტსი "ბარსელონაში" კიდევ ერთი სეზონის გატარებას გეგმავს.

ვეტერანი ნახევარმცველი ზაფხულში 34 წლის ხდება, კატალონიურ კლუბთან მის მოქმედ კონტრაქტს კი ვადა 2023 წლის ივნისში ეწურება. წყაროს ცნობით, ბუსკეტსი ახალ ხელშეკრულებას არ გააფორმებს და "ბარსელონურ" კარიერას დაასრულებს.

სერხიოს მომდევნო კლუბად დევიდ ბექჰემის "ინტერ მაიამი" მოიაზრება - ამბიციურ ამერიკულ კლუბს ლიონელ მესისა და ლუის სუარესსაც უკავშირებენ. 

ჩავი ერნანდესის ფორმაციის "ბარსელონაში" ბუსკეტსს მნიშვნელოვანი როლი აქვს. მას მიმდინარე სეზონში მონაწილეობა თითქმის ყველა შეხვედრაში აქვს მიღებული და როგორც წესი, მოედანზე 90 წუთს ატარებს.