ჩავი ერნანდესი გალათასარაის დამარცხების შემდეგ
ჩავი ერნანდესი "გალათასარაის" დამარცხებისა და შემდეგ ეტაპზე გასვლის შემდეგ, ჟურნალისტებთან საუბრობს:
"გალათასარაიმ" თავი კარგად დაიცვა, გამარჯვება დიდი ძალისხმევის წყალობით მოვიპოვეთ. ფეხბურთელებს ვულოცავ, რადგან მათ აჩვენეს, როგორ და როდის უნდა შეუტიონ. საკუთარი მუშაობით ბედნიერები ვართ. რთული მატჩი მოვიგეთ.
ვფიქრობ, ბევრი შანსი გვქონდა იმისთვის, რომ თამაშში ინტრიგა ნაადრევად მოგვეკლა.
ტურნირის ფავორიტები ვართ? შანსი გვაქვს. მეტოქეებს კარგად არ ვიცნობთ და ევროპა ლიგაზე თამაშის გამოცდილება არ გაგვაჩნია, მაგრამ ასე უნდა გავაგრძელოთ. დღეს წინ კიდევ ერთი ნაბიჯი გადავდგით.
პიკეს მითხრა, რომ დისკომფორტი ჰქონდა და გადაადგილების დროს ტკივილი აწუხებდა. ის სწორედ ამიტომ შევცვალე.
პედრის გოლი ბრწყინვალე იყო. მას ეს და კიდევ ბევრი რამ შეუძლია. და ეს ყველაფერი 19 წლის ასაკში. გონსალესმა თავისი ხასიათი აჩვენა, რაც მას განსაკუთრებულს ხდის.
პედრის დირბლინგი ვნახე, მაგრამ ეს განმეორებითაც უნდა გავაკეთო. ამ ბიჭის გაწვრთნა დიდი პატივი.
კარგ ფორმაში ვართ. დიდი ხანია, არ წაგვიგია. მაგრამ, ახლა თამაში "ბერნაბეუზე" გვიწევს და ვიცით, ეს რა რთულია. თუმცა, მადრიდში კარგი მატჩის ჩასატარებლად მივდივართ.
დღეს პირველ მატჩზე ბევრად უკეთესად ვითამაშეთ, მოთმინება და ხასიათი გამოვავლინეთ. უპირატესობა ორივე შეხვედრაში გვქონდა და მეოთხედფინალში სამართლიანად გავედით.
ბურთთან ერთად მოქმედებისას მეტი პასუხისმგებლობა გვმართებს. მისი ყოველი დაკარგვა მტკენს. კარგად გამოვიყურებოდით, მაგრამ მეტი შეგვიძლია.
პიკეს დისკომფორტი ახალი არაა, ეს ადრეც აწუხებდა. მიუხედავად ამისა, მოედანზე გასვლა სურს. ჟერარი ძალიან გვეხმარება.
შემთხვევითი არაა, რომ ქამბექი ხშირად გვიწევს - ეს იმის ნიშანია, რომ საკუთარი თავის გვჯერა და, თუ ერთად ვართ, ყველაფერი შეგვიძლია. დღეს სიმშვიდე და ხასიათი ვაჩვენეთ, რასაც მატჩი მოითხოვდა.
დესტს მყესის პრობლემა აქვს. ვიმედოვნებთ, პიკეს მსგავსად, სერიოზული მასაც არაფერი სჭირს.
ცენტრალური მცველები შესანიშნავად გამოიყურებოდნენ... ეს თამაში მოთმინებას საჭიროებდა და ასეც გავაკეთეთ. სეზონის მიმდინარეობისთვის ეს მოგება ძალიან მნიშვნელოვანია.
დღევანდელი გამარჯვება ჩვენი პროექტის გარდამტეხი მომენტია.
პედრი ძალიან მნიშვნელოვანი მოთამაშეა, მისი ყურება კი ყველას დიდ სიამოვნებას ანიჭებს.
პედრიმ მესისა და ინიესტას სტილში გაიტანა? მისი სხვებთან შედარება არ მომწონს. პედრი პედრია და მორჩა. მას ასეთი გოლების გატანა შეუძლია, რაც გასაოცარია.
"რეალთან" მატჩი კარგ დროს გვიწევს, მაგრამ ეს არაფერს ნიშნავს.
შესვენებაზე ფეხბურთელებს ვუთხარი, რომ კარგად ვთამაშობდით. მათ ბევრი ინსტრუქცია არ სჭირდებოდათ, გარდა მეტოქის თავისუფალი მოთამაშეების აყვანის და შემდეგ ეტაპზე გასვლის რწმენისა.
ვიცოდით, რომ მარტივი არაფერი იქნებოდა.
არ ვიცი, ბურთი რამდენ ხანს გვეჭირა, მაგრამ, უმეტეს დროს მეტოქის ნახევარზე ვატარებდით.
კონკურენტუნარიანი და მშვიდი ადამიანი ვარ. მშვიდად ყოფნა მიყვარს... მაგრამ, ზოგჯერ ეს შეუძლებელია.
ასეთ მოედანზე, ასეთი მოწინააღმდეგის წინააღმდეგ ბრძოლა შესანიშნავი იყო. ფეხბურთელების გამო ძალიან ბედნიერი ვარ.
რა თქმა უნდა, მათი გოლი არასასიამოვნო იყო, მაგრამ, ვიცოდით, როგორ შეგვეტია, რაც ფეხბურთში ყველაზე მნიშვნელოვანი რამაა.
გარკვეულ ტაქტიკურ ასპექტებში უნდა განვვითარდეთ.
კარგად ვითამაშეთ და შანსები შევქმენით. თამაშის ორგანიზება და თავისუფალი ფეხბურთელების მოძებნა გვმართებდა.
"ელჩესთან" მატჩის მსგავსად, პრობლემები დღესაც გვქონდა, მაგრამ ყველაზე მნიშვნელოვანი ისაა, რომ ჩვენს მიდგომას არ ვკარგავთ. ჩვენი სტილის გვჯერა, შეტევა და დაცვა შესანიშნავი იყო.
დიახ, ტურნირის ფავორიტები ვართ, მაგრამ "სევილია" ძლიერი კანდიდატია.
დღეს სტადიონზე შექმნილი ატმოსფერო ერთ-ერთი საუკეთესოა, რაც ცხოვრებაში მინახავს. ეს გარემო, ერთდროულად, მკაცრი და საოცარი იყო. მატჩის გართულების შემდეგ ის კიდევ უფრო გაძლიერდა.
ამ სიახლეზე კომენტარები გათიშულია.
კომენტარები [ 14 ]