ჩავი ერნანდესი ხეტაფესთან მატჩის წინ
"ბარსელონას" მთავარმა მწვრთნელმა, ჩავი ერნანდესმა "ხეტაფესთან" მატჩის წინ პრესკონფერენცია გამართა.
"ხეტაფემ" კიკე სანჩეს ფლორესის ხელში ძალიან მოუმატა. "სელტასთან" მატჩთან შედარებით, ბევრად უკეთ უნდა ვითამაშოთ და უფრო კონკურენტუნარიანები ვიყოთ. ჩვენ მხოლოდ 1 ქულა გვჭირდება, თუმცა სამისთვის ვითამაშებთ.
არაუხოს თამაში სურს. ეს მის შეგრძნებებზე იქნება დამოკიდებული. დღეს მან ივარჯიშა და თავს ძალიან კარგად გრძნობს. სხვა მარტივ გამოსავალს იპოვიდა და დაისვენებდა, ის კი საწინააღმდეგოდ იქცევა.
ბევრჯერ მითქვამს, რომ ფრენკი დე იონგი ძალიან მნიშვნელოვანია. ჩემი მოსვლის შემდეგ, ის თითქმის ყოველთვის ძირითადი შემადგენლობის წევრია. ამასთან, არსებობს კლუბის ფინანსური სიტუაცია, რომელიც უნდა გამოსწორდეს. ამას ფრენკიზე არ ვამბობ, ზოგად სურათზე ვსაუბრობ.
რამდენიმე დღეში ეკონომიკური მდგომარეობის შესახებ უნდა ვიცოდეთ, რათა მომდევნო სეზონისთვის მზადება დავიწყოთ. ვნახოთ, ვინ შედის ჩვენს გეგმებში და ვინ არა. ამას ეკონომიკური დონე განსაზღვრავს.
მე ყოველთვის ოპტიმისტურად ვარ განწყობილი. შემდეგ სეზონში ისევ უნდა ვიბრძოლოთ, როგორც ჩანდა, რომ ამას წელსაც გავაკეთებდით, თუმცა ეს არ მოხდა და თვითკრიტიკულები უნდა ვიყოთ. ჩვენ ტიტულებისთვის უნდა ვიბრძოლოთ, უფრო მომთხოვნები ვიქნებით.
მორატა? მესმის, რატომ მეკითხებით, მაგრამ სხვა გუნდის მოთამაშეებზე საუბარი არაფერს გვმატებს. შეგვიძლია, იმ ფეხბურთელებზე ვილაპარაკოთ, რომლებიც გუნდში გვყავს.
ლევანდოვსკი? როდესაც ტრანსფერზე ვსაუბრობთ, ჩემთვის ასაკს მნიშვნელობა არ აქვს. ჩვენ 38 წლის დანი ალვესი დავიმატეთ. ახლა ფეხბურთელები საკუთარ თავებზე უფრო მეტად ზრუნავენ. ალვესი, იბრაჰიმოვიჩი, მოდრიჩი, რონალდუ, მესი ამის მაგალითები არიან.
თებერვალსა და მარტში ძალიან კონკურენტუნარიანები ვიყავით, ძალიან კარგად ვთამაშობდით. მართალია, მას შემდეგ დონე დაეცა, მაგრამ ამ სეზონში კარგი მომენტები იყო. ახლა, სეზონი საუკეთესო ნოტაზე უნდა დავასრულოთ.
კლუბმა იცის ჩემი პოზიცია იმის შესახებ, თუ რა არის საჭირო მომდევნო სეზონში გასაუმჯობესებლად. გულშემატკივრები ტიტულებს მოითხოვენ და ნათელია, რომ ამისთვის შემადგენლობა უნდა გავაძლიეროთ.
ალეხანდრო ბალდე? მას კლუბში ძალიან ვაფასებთ. შესაძლოა, მან ხვალ წუთები მიიღოს. მიუხედავად იმისა, რომ ბალდეს მოსამატებელი აქვს, ის დაგვეხმარება.
ნიკო ძალიან მნიშვნელოვანი მოთამაშეა. მის გამო ბედნიერი ვარ. ის არის ფეხბურთელი აწმყოსა და მომავლისთვის. ნიკო ნახევარდაცვაში ფართო არჩევანს გვაძლევს.
ტრაორეს შესახებ გადაწყვეტილებას მაშინე მივიღებთ, როგორც კი ეკონომიკური სიტუაცია გვეცოდინება. ადამა მნიშვნელოვანია ფეხბურთელია, მაგრამ მას კონკურენტები ჰყავს ფერანისა და უსმანის სახით. როდესაც ის დემბელეზე უკეთესი იყო, თამაშობდა. ეს პერფორმანსზეა დამოკიდებული.
ჩვენ გვინდა დავიმატოთ ფეხბურთელები, რომლებიც განსხვავებას შექმნიან და გუნდს გააძლიერებენ. ცხადია, 25-დან 33 წლამდე ასაკის მოთამაშე უფრო მომწიფებულია, ვიდრე ახალგაზრდები. ასაკი ჩვენთვის პრიორიტეტი არაა, თუმცა არჩევანის გაკეთებისას ამის გათვალისწინებაც შეგვიძლია.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 6 ]