ჩავი ვეტერანებისთვის ნაკლები სათამაშო დროის მიცემას გეგმავს
ჩავი ერნანდესი აპირებს, მომდევნო სეზონში გუნდის ვეტერანებს, ჟერარ პიკეს, სერხიო ბუსკეტსსა და ჟორდი ალბას ნაკლები სათამაშო დრო მისცეს. ინფორმაციას ამის შესახებ AS-ის ჟურნალისტი ლუის მასკანო ავრცელებს.
"ბარსას" მთავარი მწვრთნელი ჯერ კიდევ გასულ სეზონში ფიქრობდა, რომ ვეტერანებს არსებული დატვირთვით თამაში და კვირაში ზედიზედ 2 შეხვედრის ჩატარება არ შეუძლიათ. თუმცა მას ალტერნატივა არ ჰქონია - პიკე, ბუსკეტსი და ალბა გუნდისთვის შეუცვლელი წევრები იყვნენ.
მომდევნო სეზონისთვის ამ სამეულს შემცვლელები ეყოლება და ჩავი გეგმავს, ამით ისარგებლოს. გარდა იმისა, რომ ვეტერანების ფიზიკური მდგომარეობა უფრო და უფრო უარესდება, დროა, გუნდმა მათ გარეშე თამაში ისწავლოს. ამით კი ერიკ გარსია, ანდრეას კრისტენსენი, ფრანკ კესიე და სავარაუდოდ მარკოს ალონსო იხეირებენ.
ამ სიახლეზე კომენტარები გათიშულია.
კომენტარები [ 10 ]