მარსელი ბარსელონას 2 ფეხბურთელით დაინტერესდა
გუშინწინ გამართულ ყრილობაზე მიღებული გადაწყვეტილებების შედეგად "ბარსელონას" ფინანსური მდგომარეობა გაუმჯობესდება და კატალონიური გუნდი ფეხბურთელების დამატებას შეძლებს. თუმცა ეს არ ნიშნავს, რომ "ბლაუგრანა" უსარგებლო ფეხბურთელების გუნდიდან გაშვებას გადაიფიქრებს.
"ბარსას" ისევ ჭირდება, რომ რამდენიმე ფეხბურთელი გაუშვას. მათ შორის არიან კლემან ლანგლე და მარტინ ბრეითუეიტი. AS-ის ცნობით მათი დამატებით ფრანგული "მარსელის" მთავარი მწვრთნელი ხორხე სამპაოლი დაინტერესდა.
"მარსელის" სპორტული დირექტორი ანდონი სუბისარეტაა, რომელიც ამავე თანამდებობაზე "ბარსელონაში" 5 წლის განმავლობაში მუშაობდა, მანამდე კი კატალონიელთა კარს 8 წლის განმავლობაში იცავდა. მისი ფაქტორის გამო კლუბებს შორის კარგი ურთიერთობაა.
მადრიდული გამოცემის ცნობით საქმე უფრო წინ ლანგლეს ტრანსფერთან დაკავშირებითაა წასული. 26 წლის მცველი მომდევნო სეზონში სათამაშო დროის მიღებაზე ფიქრობს. რაც შეეხება ბრეითუეიტს, ცნობილია, რომ ის "ბარსელონადან" წასვლას არ აპირებს.
ამ სიახლეზე კომენტარები გათიშულია.
კომენტარები [ 10 ]