ბარსელონაში მიიჩნევენ, რომ ანსუ ფატიმ ოპერაციის არგაკეთებით დიდი შეცდომა დაუშვა
ჟურნალისტი აშრაფ ბენ აიადი ანსუ ფატიზე საკმაოდ ნეგატიურ ინფორმაციას ავრცელებს.
მისი ცნობით, "ბარსელონაში" ფიქრობენ, რომ 19 წლის ფეხბურთელი უმაღლეს დონეზე სათამაშოდ სრულ მზადყოფნაში ჯერ კიდევ არაა - პირიქით, ახალგაზრდა შემტევი ამისგან ძალიან შორს გახლავთ, არადა, ბარძაყის დაზიანებიდან უკვე 5 თვე გავიდა. კლუბს მიაჩნია, რომ ანსუმანემ ოპერაციის არგაკეთებით დიდი შეცდომა დაუშვა.
წყაროს თანახმად, "ბარსას" ხელმძღვანელობა ამას ძალიან განიცდის და ფატის შემთხვევას სამუელ უმტიტის ტრავმას ადარებს, რის შემდეგაც ფრანგმა მაღალ დონეზე თამაში ვეღარ შეძლო და მოედანზე თითქმის აღარ გასულა.
იანვარში მიღებული ტრავმის შემდეგ ანსუ მწვანე მინდორს 1 მაისს დაუბრუნდა და მონაწილეობა 6 მატჩში მიიღო. ამ შეხვედრებში მან "ბეტისსა" და ავსტრალიის ჩემპიონატის ვარსკვლავებს გაუტანა.
ამ სიახლეზე კომენტარები გათიშულია.
კომენტარები [ 11 ]