ბარსელონას ლევანდოვსკისთან კონტრაქტის გაწყვეტის უფლება ექნება

რობერტ ლევანდოვსკი რომ კარიერას "ბარსელონაში" განაგრძობს, ამაში ეჭვი აღარავის ეპარება. განსაკუთრებით ოლივერ კანის განცხადების შემდეგ.

პოლონელი თავდამსხმელი 33 წლისაა და ერთ თვეში 34 წლის ხდება. "ბარსელონა" მას 3 წლით იმატებს კონტრაქტის კიდევ ერთი წლით გახანგრძლივების პერსპექტივით. ლოგიკურია, რომ ამ ასაკში მყოფი ფეხბურთელისთვის ასეთი პირობების შეთავაზება კითხვებს ტოვებს, მაგრამ როგორც ირკვევა, "ბლაუგრანა" ძალიანაც არ რისკავს.

ჟერარ რომეროს ინფორმაციით "ბარსელონას" უფლება ექნება, 2 წლის შემდეგ ლევანდოვსკისთან ხელშეკრულება გაწყვიტოს და მას გარკვეული კომპენსაცია გადაუხადოს. გარდა ამისა "ბარსაში" თამაშის მე-3 წელს პოლონელის ხელფასი მნიშვნელოვნად შემცირდება, ისევე, როგორც მე-4 წელს, გუნდში დარჩენის შემთხვევაში.