ბარსელონა მესამე ბერკეტსაც გააქტიურებს

როგორც აქამდე იყო ცნობილი, "ბარსელონა" მეორე ბერკეტს ამ კვირაში გააქტიურებს და აშშ-ში მდებარე Sixth Street-ს სატელევიზიო უფლებების დარჩენილ 15%-ს მიჰყიდის.

დიდი ალბათობით, კონტრაქტი ოთხშაბათს გაფორმდება და ზემოხსენებული საინვესტიციო კომპანია "ბლაუგრანას" სატელევიზიო უფლებების 25 წლით შესყიდვის სანაცვლოდ 320-330 მილიონს გადაუხდის.

გარდა ამისა, Sport-ის ინფორმაციით, "ბარსა" მესამე ბერკეტის გააქტიურებაზეც მუშაობს და გეგმავს, Barça Studios-ის 49% დაახლოებით 200 მილიონი ევროდ გაასხვისოს. 

ეს ყველაფერი "ბარსელონას" საშუალებას მისცემს, ახალწვეულები მარტივად დაარეგისტრიროს და ტრანსფერები კიდევ განახორციელოს. კლუბის მომდევნო მთავარი სამიზნე ჟიულ კუნდეა.