ბარსელონა Barça Studios-ის დარჩენილი 24.5%-ის გაყიდვასთან ახლოსაა

იმის გამო, რომ ლა ლიგა კაპიტალურ შემოსავლებს არ ითვალისწინებს, "ბარსელონას" ახალწვეულების დასარეგისტრირებლად პირველი 3 ბერკეტის გააქტიურება არ ყოფნის.

Relevo-ს ინფორმაციით, კატალონიური კლუბი Barça Studios-ის დარჩენილი 24.5%-ის TPG Luma Partners-ისთვის €100 მილიონად მიყიდვასთან ახლოსაა, თუმცა, ამ ნაწილის შეძენით კიდევ 2 კომპანია ინტერესდება. "ბარსამ" მისი პირველი 24.5% ამავე თანხის (€100 მლნ.) სანაცვლოდ კომპანია Socios.com-ს დაუთმო.

ამ ოპერაციის განხორციელების შემდეგ კლუბს ფეხბურთელების დარეგისტრირებაში პრობლემები არ შეექმნება. გარდა ამისა, "ბარსელონა" სახელფასო ფონდის შემცირებაზეც იმუშავებს.