რობერტ ლევანდოვსკი: დარწმუნებული ვარ, მამაჩემი ამაყობს
"ბარსელონას" ახალი ვარსკვლავი, რობერტ ლევანდოვსკი საინტერესო საკითხებზე საუბრობს:
მამაჩემი ბედნიერი და ამაყი იქნებოდა. როცა პატარა ვიყავი, ის მეუბნებოდა, რომ ერთ დღესაც უმაღლეს დონეზე ვითამაშებდი. ამან დიდი მოტივაცია და ოცნებების ახდენის იმედი მომცა.
ის ძალიან მენატრება და სამწუხაროა, რომ ჩემი წარმატება ვერც "დორტმუნდში" ნახა, ვერც "ბაიერნში" და ვერც "ბარსელონაში". მაგრამ, დარწმუნებული ვარ, რომ მამა ახლა ყველაზე წინ ზის და სიამაყით მიყურებს.
პეპ გვარდიოლასთან მუშაობა "ბარსაში" სათამაშოდ კარგი მოსამზადებელი ეტაპი იყო. ჩავი პეპს ძალიან ჰგავს - ისინი ფეხბურთს ერთი გზით ხედავენ.
ამჟამად კასტელდეფელსში ვცხოვრობ. ჯერჯერობით, მხოლოდ სავარჯიშო ცენტრიდან სტადიონამდე მისასვლელი გზა ვიცი.
მხოლოდ საკუთარ თავზე და გუნდზე ვფიქრობ და არა - სხვებზე. რა თქმა უნდა, "ელ კლასიკოსნაირ" მატჩებსა და ბენზემასთან დაპირისპირებას ყოველთვის ელი, მაგრამ, საბოლოო ჯამში, ყველაზე მნიშვნელოვანი "ბარსელონასთან" ერთად ტიტულის მოგებაა, სხვა ყველაფერი კი - მეორეხარისხოვანი.
"ოქროს ბურთი"? მე გუნდის წარმატებები მამოძრავებს. ინდივიდუალური ჯილდოები კარგი დანამატია, მაგრამ ესპანეთში ამის გამო არ გადმოვსულვარ. ბევრი რამ, რაც დაიწერა, სიმართლეს არ შეესაბამება.
ჩემი პრეზენტაცია გასაოცარი იყო. ამდენ ქომაგს არ ველოდი. არ აქვს მნიშვნელობა, სტადიონზე იმაზე მეტი ფანი იყო თუ არა, ვიდრე - რონალდინიოს ან იბრაჰიმოვიჩის წარდგენაზე. მნიშვნელოვანი ისაა, რომ ასეთი რამ გამოვცადე.
ეს ჩემთვის ახალი გრძნობაა - ცვლილება, ახალ ქვეყანაში გადასვლა და ახალ კლუბში თამაში მჭირდებოდა. ისეთი გრძნობა მაქვს, როგორიც ბავშვს, რომელსაც ახალი სათამაშო უყიდეს.
მიუნხენში გულშემატკივრები "ჰალა მადრიდს" ყვიროდნენ? ეს გავიგე და გავიცინე. სამაგიეროდ, ზოგი მათგანი ჩემს სახელს სკანდირებდა, რაც შესანიშნავი იყო. ისეთი ფანებიც ვნახე, რომლებმაც ჩემი გადაწყვეტილება გაიგეს და წარმატებები მისურვეს.
მუსიალა? ის "ბაიერნისთვის" ისეთივეა, როგორიც ჩვენთვის გავი, პედრი და ანსუ. გასაოცარია, თუ პროგრესი როგორი სწრაფი ტემპით განიცადა.
მომენატრება თუ არა "ბაიერნი"? ძალიან. კლუბი, ფანები და, რა თქმა უნდა, ქალაქი, ყველაფერზე მეტად კი - გასახდელი ოთახის ატმოსფერო... თუმცა, გამოწვევები მსურს და ახალი ეტაპის დაწყების დრო იყო.
ყოფილ აგენტთან "რეალში" გადასვლის შესახებ საუბარი? მასთან 5 წელია, კონტაქტი არ მქონია და ამ დროში ფიქრები და სურვილები ყველას ეცვლება.
თავდაპირველად, "რეალთან" საუბრები იყო, მაგრამ სერიოზული არაფერი. ლა ლიგაში თამაში ყოველთვის მინდოდა. როცა "ბარსა" დამიკავშირდა, სხვა ვარიანტებზე არ მიფიქრია.
ამ სიახლეზე კომენტარები გათიშულია.
კომენტარები [ 7 ]