ჟიულ კუნდე: ბარსელონაში ტიტულების მოსაგებად გადმოვედი
"ბარსელონაში" ოფიციალური დებიუტისა და "ვალიადოლიდთან" 4-0 მოგების შემდეგ, ჟიულ კუნდე ჟურნალისტებთან საუბრობს:
მიუხედავად იმისა, რომ საკმაო ხანია, მოედანზე დიდი დრო არ გამიტარებია, თავს კარგად ვგრძნობდი, თუმცა, საუკეთესო ფორმა ჯერ კიდევ დასაბრუნებელი მაქვს.
მოგებითა და ჩემი თამაშით ბედნიერი ვარ. პოზიტიური გრძნობები მაქვს. სავსე "კამპ ნოუზე" მშრალად მოგებული მატჩი მნიშვნელოვანია.
"ბარსაში" ტიტულების მოსაგებად და პროგრესის მისაღწევად გადმოვედი.
ლევანდოვსკი მსოფლიოში ერთ-ერთი საუკეთესო თავდამსხმელია. ბედნიერები ვართ, რომ ის გვყავს. ყველამ ვიცით, რობერტს რაც შეუძლია - პოლონელი ტოპ ფეხბურთელია.
მირჩევნია, ცენტრალური მცველი ვიყო, მაგრამ მარჯვენა მცველად თამაშიც მომწონს. გუნდის დასახმარებლად ყველაფერს გავიღებ.
დღეს კუნდემ თამაში მარჯვენა მცველად დაიწყო, თუმცა, რონალდ არაუხოს გასვლისა და მოედანზე სერჟი რობერტოს გამოსვლის შემდეგ, ფრანგმა ცენტრში შეიწია.
ამ სიახლეზე კომენტარები გათიშულია.
კომენტარები [ 11 ]