ჩავი ერნანდესი ინტერთან მატჩის შემდეგ
ჩავი ერნანდესმა "ინტერთან" ფრედ დასრულებული თამაშის შემდეგ მედიასთან კომენტარი გააკეთა:
ჩემპიონთა ლიგა სასტიკად გვექცევა... მაგრამ მეორე ტაიმში ბევრი შეცდომა დავუშვით. პირველი გაშვებული გოლი დაცვის აშკარა შეცდომა იყო და გასახდელში ამაზე ვისაუბრეთ.
ფეხბურთი შეცდომებისგანაც შედგება და ჩვენ ისინი მინიმუმამდე უნდა შევამციროთ. დღეს ძალიან სერიოზული შეცდომები დავუშვით, რომლებიც ძვირად დაგვიჯდა.
ხალხმა ნახა, რომ მთელი გულით ვითამაშეთ, მაგრამ ჩავარდნის უფლება არ გვაქვს. მიუნხენში ეფექტურობა დაგვაკლდა, მილანში საგოლე შანსები, ხოლო დღეს ბევრი შეცდომა დავუშვით. ჩემპიონთა ლიგაზე სიტუაცია ძალიან გართულდა. ეს სირცხვილია. ახლა "ელ კლასიკოზე" უნდა ვიფიქროთ და ჩვენი გონება ლა ლიგისთვის გადავაწყოთ.
პირველი ნახევარი ბრწყინვალე იყო, ნახევარდაცვას ვაკონტროლებდით და მეტოქეს ძალიან გაუჭირდა. მეორე ტაიმში კი კონკრეტული შეცდომების გამო დავისაჯეთ.
თუ შინ "ინტერს" ვერ ამარცხებ, ჯგუფიდან გასვლას არ იმსახურებ.
ეს დიდი დარტყმაა, მაგრამ განწყობის გამოკეთება და ბერნაბეუზე "რეალ მადრიდის" დამარცხება უნდა ვცადოთ.
როგორც "ბარსელონას" ქომაგი, მოწყენილი და გაბრაზებული ვარ.
როდესაც ფეხბურთელები ცუდად თამაშობენ, მე სრულ პასუხისმგებლობას ვიღებ.
ჩვენ გუნდი ვართ. დაცვის შეცდომა ჩემი შეცდომაცაა. მედიას მოთამაშეების გაკიცხვა გიყვართ, მაგრამ როგორც გუნდი, საკუთარ შეცდომებზე პასუხისმგებლობას ვიღებთ.
მე მოწყენილი, იმედგაცრუებული და გაბრაზებული ვარ. თვითკრიტიკული უნდა ვიყო, ჩემპიონთა ლიგაზე თამაშს არ ვიმსახურებთ. ეს გულს მტკენს, მაგრამ ეს სიმართლეა.
თამაშს ჩვენ ვაკონტროლებდით, 50-ე წუთზე გოლი დაცვის აშკარა შეცდომის გამო გავუშვით. ანგარიშის გათანაბრების შემდეგ ყველაფერის თავიდან დაწყება გიწევს. მენტალურად ჩვენთვის ეს რთულია.
ევროპულ ტურნირებზე შეცდომების მინიმუმამდე დაყვანა ვერ მოვახერხეთ.
დემბელეს განსხვავების შექმნა შეუძლია, მას ვენდობი. ის ხშირად ცდება, მაგრამ ამას მარტო უსმანი არ აკეთებს. მოედნის ბოლო მესამედში უკეთესი გადაწყვეტილებები უნდა მივიღოთ.
"ინტერს" დრო გაჰყავდა? ეს გამამართლებელი მიზეზი არაა. ფრედ ამის გამო არ გვითამაშია, ეს ჩვენი შეცდომების გამო მოხდა, რადგან ყველაფერი ჩვენს ხელში იყო.
ვიმედოვნებ, დღევანდელი შედეგი "ელ კასლიკოსთვის" ფეხბურთელებზე მენტალურად გავლენას არ იქონიებს, მათ მაქსიმუმი გაიღეს.
მიმდინარე სეზონში მიზანი კვლავ ტიტულების მოგებაა.
ფანებს ბოდიშს ვუხდი, რომლებიც საოცარი იყვნენ. მინდა, მათ ვუთხრა, რომ სიტუაციის გამოსასწორებლად ვიმუშავებთ.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 50 ]