ინტერთან თამაშის შემდეგ ლაპორტა ჩავის შეხვდა
"ინტერთან" გუშინდელი კრახის შემდეგ ჟოან ლაპორტა და კლუბის სხვა ხელმძღვანელი პირები ძალიან გაბრაზებულები იყვნენ. ეს გასაკვირი არცაა. მათ მიაჩნიათ, რომ ზაფხულში ძალიან კარგად იმუშავეს იმისათვის, რომ კონკურენტუნარიანი გუნდი შეექმნათ.
ძალიან დაძაბული სიტუაციის მიუხედავად ლაპორტამ მრჩევლებს მოუსმინა და გუნდის გასახდელში დამშვიდებული ჩავიდა. ის ჩავისა და მის თანაშემწეებს შეხვდა. არსებობს წუხილი იმის შესახებ, თუ როგორ იმოქმედებს გუშინდელი წარუმატებლობა გუნდზე "ელ კლასიკოს" წინ. გუნდის კაპიტანმა, სერხიო ბუსკეტსმა გუშინ ძალიან ცუდი განცხადება გააკეთა, როდესა თქვა, რომ ეს შედეგი "ელ კლასიკოზე" აუცილებლად იმოქმედებს.
Sport-ის ცნობით ლაპორტა ჩავის ნდობას განაგრძობს. პრეზიდენტი თვლის, რომ მწვრთნელს სიტუაციის შეცვლა შეუძლია. ლაპორტა ეკონომიკური დანაკლისის გარდა იმაზეც ღელავს, რომ ლა ლიგაში გუნდის თამაში არადამაკმაყოფილებელია, არადა ახლა "ბარსა" ვალდებულია, ტურნირი მოიგოს.
შეხვედრის შეჯამება ასეთი იყო: ყველაფერი ჩავის ხელშია, მწვრთნელი ისაა და გადაწყვეტილებები მან უნდა მიიღოს. ლაპორტასა და სხვა ხელმძღვანელ პირებს კი ცვლილებები დაუყოვნებლივ, "რეალ მადრიდთან" თამაშამდე სჭირდებათ.
რაც შეეხება ლაპორტას ფეხბურთელებთან შეხვედრას - პრეზიდენტმა ჩათვალა, რომ ახლა ამისთვის შესაფერისი დრო არ იყო.
ამ სიახლეზე კომენტარები გათიშულია.
კომენტარები [ 12 ]