ანტუან გრიზმანი - ერნესტო ვალვერდეს ერთადერთი მოთხოვნა

დღეს ერნესტო ვალვერდე "კამპ ნოუზე" ბრუნდება - ამჟამად, მეტოქის რანგში.

ბასკი სპეციალისტი "ბარსას" მთავარ მწვრთნელად 2017 წლის ზაფხულში დაინიშნა. აღსანიშნავია, რომ მისი მოსვლიდან მალევე, გუნდის ერთ-ერთი ლიდერი, ნეიმარი კატალონიური კლუბიდან წავიდა. 

Relevo-ს ინფორმაციით, მიუხედავად ამისა, ვალვერდეს ბრაზილიელი ვარსკვლავის შემცვლელის მოყვანა არასდროს მოუთხოვია. ერთადერთი ფეხბურთელი, რომელიც ერნესტომ ითხოვა, ანტუან გრიზმანი იყო - გამოცდილ სპეციალისტს ფრანგი ძალიან მოსწონდა. 

საბოლოოდ, "ბარსელონამ" გრიზმანი 2 წლის შემდეგ შეიძინა, ვალვერდემ კი მისი გამოყენება მხოლოდ 6 თვით შეძლო.

ბასკი მწვრთნელი დაკავებული თანამდებობიდან 2020 წელს გაათავისუფლეს. მას "ბარსაში" ძალიან კარგი შედეგები ჰქონდა და ლა ლიგაში ერთ-ერთი დომინანტური მწვრთნელი იყო, მაგრამ ჩემპიონთა ლიგაზე გუნდმა ფიასკო ორჯერ, სწორედ ვალვერდეს ხელში განიცადა.