უსმან დემბელეს დაბრუნების თარიღი ცნობილია
უსმან დემბელემ და "ბარსელონას" სამედიცინო შტაბმა ფეხბურთელის დაბრუნებასთან დაკავშირებით გადაწყვეტილება მიიღეს. ინფორმაციას ამის შესახებ As ავრცელებს.
წყაროს ცნობით ფრანგი შემტევის "მანჩესტერ იუნაიტედთან" ევროპა ლიგაზე გასამართ მატჩებში, ასევე ესპანეთის თასის ნახევარფინალის პირველ შეხვედრაში "რეალ მადრიდთან" მოედანზე ხილვა გამორიცხულია.
მიღებული გადაწყვეტილებით უსმან დემბელე მოედანს 19 მარტს ლა ლიგაში გასამართ "ელ კლასიკოში" უნდა დაუბრუნდეს. მანამდე კი "ბარსას" მის გარეშე 8 თამაშის ჩატარება მოუწევს.
დაბრუნების თარიღი გადაწყვეტილია და გეგმაც შედგენილია. მომდევნო 15 დღის განმავლობაში დემბელე ფიზიოთერაპევტთან ერთად მუშაობას განაგრძობს. შემდეგი 15 დღე მოედანზე რეაბილიტაციას დაეთმობა იმისათვის, რომ უსმანი გუნდთან ერთად ვარჯიშს მზადყოფნაში დაუბრუნდეს.
ამ სიახლეზე კომენტარები გათიშულია.
კომენტარები [ 8 ]