რობერტ ლევანდოვსკიმ ანსუ ფატის მატჩის შემდეგ პასუხი მოსთხოვა
AS-ის ჟურნალისტის, ხავი მიგელის ცნობით, "მანჩესტერ იუნაიტედთან" მატჩში რობერტ ლევანდოვსკი ანსუ ფატიზე ძალიან გაბრაზდა.
საქმე ისაა, რომ შეხვედრის ბოლო წუთზე ლევანდოვსკის ფერან ტორესის ჩაწოდების შემდეგ ანგარიშის გათანაბრების შანსი ჰქონდა, მაგრამ მის წინ მდგომმა ფატიმ ბურთზე თამაში გადაწყვიტა და პოლონელს ხელი შეუშალა.
წყაროს ცნობით, მატჩის შემდეგ, გასახდელ ოთახში რობერტმა ანსუს პასუხი მოსთხოვა, რადგან მსგავსი შემთხვევა პირველად არ მომხდარა, და უთხრა, რომ უფრო ყურადღებით იყოს.
გამეორებისას ჩანს, რომ გაფუჭებული მომენტის შემდეგ ლევანდოვსკიმ თავი ვერ გააკონტროლა და ფატის ხელიც კი ჩაარტყა.
ანსუმ რობერტს უთხრა, რომ ის ვერ დიანახა და ფიქრობდა, რომ დასარტყმელად კარგ პოზიციაში იყო. თუმცა, აღიარა, რომ მისი მცდელობა ცუდი გამოდგა.
მიგელის თქმით, ლევანდოვსკი ფერან ტორესთანაც მივიდა და მისი ჟესტები აუხსნა, რომლებითაც ჩაწოდებას მოითხოვს ხოლმე.
ამ სიახლეზე კომენტარები გათიშულია.
კომენტარები [ 14 ]