მე-20 მშრალი მატჩი ლა ლიგაში

დღეს "ბარსელონამ" კარი მშრალად კიდევ ერთხელ შეინახა და ლა ლიგის რეკორდს უახლოვდება. 

"ელჩესთან" მატჩის შემდეგ, 27 ტურში მარკ-ანდრე ტერ შტეგენს პრიმერა დივიზიონში უკვე 20 მშრალი მატჩი დაუგროვდა. გერმანელმა ესპანეთის ჩემპიონატის ეგიდით მიმდინარე სეზონში მხოლოდ 9 გოლი გაუშვა, რაც დაუჯერებელი შედეგია.

ლა ლიგის ყველა დროის საუკეთესო მაჩვენებელი 26 მშრალი მატჩი და 18 გაშვებული გოლია. "ბარსელონა" ამ რეკორდების დამხობის გზაზე დგას.