ჩავის პრესკონფერენცია ოსასუნასთან მატჩის წინ
ჩავი ერნანდესმა "ოსასუნასთან" მატჩის წინ პრესკონფერენცია გამართა.
"ოსასუნა" შევისწავლეთ - ეს ძალიან რთული გუნდია. მათ დიდებული სეზონი აქვთ და ხვალ რთული თამაში გველის. "ოსასუნა" შაბათს, შესაძლოა, საკუთარ ისტორიაში ყველაზე მნიშვნელოვან მატჩს [კოპა დელ რეის ფინალი "რეალ მადრიდის წინააღმდეგ] ატარებს.
ვინ მინდა, რომ მოიგოს კოპა დელ რეი? თქვენ როგორ ფიქრობთ (იცინის)?
ლევანდოვსკი ბოლო ორ შეხვედრაში ძალიან კარგი იყო და მთლიანობაში საოცარ სეზონს ატარებს.
ლამინე იამალს პირველი გუნდის წევრად ვხედავ. ის მხიარული და პოზიტიურია. ვიმედოვნებ, მასთან კონტრაქტს გავახანგრძლივებ. იამალს "ბარსაში" თამაში და წარმატების მიღწევა სურს.
აბდესთან დაკავშირებით გადაწყვეტილებას სეზონის ბოლოს მივიღებთ. მან "ოსასუნაში" კარგი გამოცდილება მიიღო. ეს ძალიან სასარგებლო იჯარა იყო.
გასულ სეზონში "რეალ მადრიდს" ჩემპიონობა მივულოცეთ. ფეხბურთის პროფესიონალებმა იციან, რომ ჩემპიონატს საუკეთესო გუნდი იგებს. საპლეიოფო ტურნირები უფრო უსამართლოა. ანჩელოტის სიტყვებს ვაფასებ.
ლა ლიგის მოგება "ესპანიოლის" სტადიონზე? მინდა, ტიტული, რაც შეიძლება, მალე მოვიგოთ. მნიშვნელობა არ აქვს, ეს "კორნელიაზე" იქნება თუ არა. ჩვენ ვერ ავირჩევთ, თუ სად ვიზეიმებთ გამარჯვებს.
სუპერ თასი "რეალ მადრიდის" წინააღმდეგ მოვიგეთ და ამას დიდ მნიშვნელობას ვანიჭებ, განსაკუთრებით იმის გამო, თუ როგორ მოვიგეთ.
"მანჩესტერ სიტი" მსოფლიოშიო საუკეთესო კლუბია, მათ მსოფლიოს საუკეთესო მწვრთნელი ჰყავთ და ყველაზე კარგ ფეხბურთს თამაშობენ. თუ "სიტი" ტრიპლეტს მოიგებს, ეს სამართლიანი იქნება.
მწვრთნელობით სიამოვნებას ვიღებ. თავიდან ეს უფრო მტანჯველი იყო, თუმცა იანვრის შემდეგ სიტუაცია შეიცვალა. ეს პროცესის ნაწილია. მუშაობის გარდა სხვა არჩევანი არ არსებობს.
უნდა მოვუმატოთ, განსაკუთრებით საპლეიოფო ტურნირებზე. ჩვენ სათანადო დონეზე ვერ ვთამაშობდით.
პედრიზე დამოკიდებულება? საქმე ისაა, რომ პედრი გამორჩეული ფეხბურთელია, რომელსაც განსხვავების შექმნა შეუძლია. ვისურვებდი, მისი მსგავსი სამი მოთამაშე გვყავდეს, მაგრამ ჩვენ გუნდურად უნდა მოვუმატოთ.
ფატი მშვიდადაა და თავს კარგად გრძნობს. ის გასულ შეხვედრაში შესვლაზე ძალიან კარგად შემოვიდა.
რაფინიამ და დემბელემ ერთად ბევრი მატჩი ითამაშეს და ასე გააგრძელებენ. რაფინიას ბრწყინვალე სეზონი აქვს, მისი შედეგები საოცარია.
კრისტენსენი ბოლო წლების ერთ-ერთი საუკეთესო შენაძენია.
ახალი თაობა უფრო თავდაჯერებულია. ლამინემდე ეს პედრის, გავისა და ბალდეს შემთხვევაში დავინახეთ. ვფიქრობ, ჩემ დროს ახალგაზრდებს უფრო მეტი შიში ჰქონდათ და ნაკლებად გამბედავები იყვნენ.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 8 ]