აზრთა სხვადასხვაობა ჩავისა და დეკუს შორის
სერხიო ბუსკეტსის შემცვლელთან დაკავშირებით "ბარსელონას" მთავარ მწვრთნელს, ჩავი ერნანდესსა და კლუბის სპორტულ მრჩეველს, დეკუს შორის აზრთა სხვადასხვაობაა.
Sport-ის ცნობით ჩავის "ბარსას" საყრდენ ზონაში მხოლოდ და მხოლოდ მარტინ სუბიმენდის ხილვა სურს, მაგრამ ახალგაზრდა ესპანელის ტრანსფერი 60 მილიონი ევრო ჯდება. დეკუ მიიჩნევს, რომ ეს თანხა ძალიან ბევრია და ის კლუბს ალტერნატივებს სთავაზობს სოფიან ამრაბატისა და მარსელო ბროზოვიჩის სახით. ჩავი კი კვლავ სუბიმენდის ითხოვს.
დეკუ "ბარსელონაში" კლუბიდან ცოტა ხნის წინ წასულ ჟორდი კრუიფს ცვლის. კატალონიური მედიის ცნობით ჩავისა და კრუიფს მსგავსი კონფლიქტი არასდროს ჰქონიათ.
ჩავი და დეკუ ერთმანეთს კარგად იცნობენ. ისინი "ბარსელონაში" 2004-2008 წლებში ერთად თამაშობდნენ. ესპანელმა და პორტუგალიელმა ნახევარმცველებმა ერთად 122 თამაში ჩაატარეს.
ამ სიახლეზე კომენტარები გათიშულია.
კომენტარები [ 15 ]