ხოსე მარი ბაკერომ ბარსელონა დატოვა

"ბარსელონას" ლეგენდამ, ხოსე მარი ბაკერომ, რომელიც ბოლო წლებში "ბლაუგრანას" სკაუტების დირექტორად მუშაობდა, თანამდებობა დატოვა. 60 წლის ბაკერომ სამწვრთნელო საქმიანობის განახლების გადაწყვეტილება მიიღო.

ხოსე მარი ბაკერო 1988-1996 წლებში იოჰან კრუიფის "ოცნების გუნდის" წევრი იყო. 2000 და 2001 წლებში ის კატალონიელთა მთავარი მწვრთნელების, ლუი ვან გაალისა და ლორენსო სერა ფერერის თანაშემწედ მუშაობდა. მას შემდეგ ბაკერომ მწვრთნელობა რამდენიმე გუნდში სცადა, 2017 წელს კი "ბარსელონას" დაუბრუნდა და კატალონიელთა ახალგაზრდულ სისტემას ხელმძღვანელობდა. 2021 წლიდან ხოსე მარი ბაკერო ესპანეთის მასშტაბით "ბარსელონას" სკაუტების დირექტორი იყო.

"ბლაუგრანას" მიერ ცოტა ხნის წინ გავრცელებული განცხადებიდან ირკვევა, რომ ბაკერო სოფიას "სლავიას" მთავარი მწვრთნელი გახდა.