ცნობილია, როდის შემოუერთდება გიუნდოგანი ბარსას

ილქაი გიუნდოგანის "ბარსელონაში" ტრანსფერი გადაწყდა: ფეხბურთელი 2+1-წლიან კონტრაქტს გააფორმებს, ხელფასის სახით €9 მილიონს მიიღებს, გამოსასყიდი თანხა კი €500 მილიონი იქნება. 

მიუხედავად იმისა, რომ გერმანელი ბოლო პერიოდში "მანჩესტერ სიტისგან", "არსენალისა" და "ალ იტიჰადისგან" (რომელიც მას გაორმაგებულ ხელფასს სთავაზობდა) დიდ ზეწოლას გრძნობდა, ილქაი "ბარსას" ერთგული დარჩა და კლუბისთვის მიცემული სიტყვა შეასრულა.

დღეს მატეუ ალემანი გიუნდოგანს თავად შეხვდა და ტრანსფერი დახურა, მაგრამ შეთანხმება ოფიციალურად მას შემდეგ დადასტურდება, რაც ფეხბურთელი "მანჩესტერ სიტის" დაემშვიდობება. 

ხავი მიგელის ინფორმაციით, გიუნდოგანი "ბარსელონას" 17 ივლისს, ამერიკის შეერთებულ შტატებში გამგზავრებამდე 2 დღით ადრე შემოუერთდება.