ბარსამ ვიტორ როკეს ტრანსფერზე სრულ შეთანხმებას მიაღწია - MD

"ბარსელონამ" ვიტორ როკეს ტრანსფერზე სრულ შეთანხმებას მიაღწია და ახალგაზრდა ბრაზილიელი ტალანტი კატალონიურ გუნდში თამაშს უკვე მომდევნო სეზონიდან დაიწყებს. ინფორმაციას ამის შესახებ Mundo Deportivo-ს ჟურნალისტი როჟერ ტორელიო ავრცელებს.

წყაროს ცნობით "ბარსამ" "ატლეტიკო პარანაენსესთან" სრულ შეთანხმებას მიაღწია. კატალონიური გუნდი 35 მილიონ ევროს გადაიხდის, დამატებით 10 მილიონი კი ბონუსების სახით იქნება გათვალისწინებული. ვიტორ როკე 6-წლიან კონტრაქტს გააფორმებს, მისი გამოსასყიდი თანხა კი მილიარდი ევრო იქნება.

18 წლის ფეხბურთელი "ბლაუგრანაში" მიმდინარე ზაფხულშივე გადმოვა და ის რობერტ ლევანდოვსკისც რეზერვისტი იქნება.