ილქაი გიუნდოგანი: ბარსელონაში გადმოსვლა ახდენილი ოცნებაა
"ბარსელონას" ახალწვეული ილქაი გიუნდოგანი შვებულების დასრულების შემდეგ ბარსელონაში ჩავიდა, რათა კლუბთან ხელშეკრულება გააფორმოს და პრე-სეზონისთვის მომზადებას შეუდგეს.
32 წლის ფეხბურთელმა "ბარსას" მედიასთან ახალი გუნდის შესახებ ისაუბრა.
ეს ახდენილი ოცნებაა. მახსოვს, ბავშვობაში როგორ ვუყურებდი პეპის და რაიკაარდის "ბარსას". მას შემდეგ გუნდს მუდმივად თვალს ვადევნებდი. კლუბში გადმოსვლით თავს ძალიან ამაყად და ბედნიერად ვგრძნობ.
გუნდს დიდი პოტენციალი აქვს. შემადგენლობა ახალგაზრდულია და ვიმედოვნებ, საკუთარი გამოცდილებით მათ განვითარებაში დავეხმარები. საფუძველი და პოტენციალი არსებობს, რაც ახალ სეზონში უნდა ვაჩვენოთ - აქ სწორედ ამიტომ მოვედი.
გუნდს მაქსიმალურად დავეხმარები. ფეხბურთელები ინდივიდუალურები ვართ, მაგრამ ყველაზე მნიშვნელოვანი გუნდური წარმატებაა.
ჩავისთან კარგი კავშირი მექნება. ვფიქრობ, ჩვენ ფეხბურთი ერთნაირად გვესმის.
ყველაზე მოუთმენლად ლევანდოვსკისთან, პედრისა და ტერ შტეგენთან თამაშს ველოდები.
ამ სიახლეზე კომენტარები გათიშულია.
კომენტარები [ 5 ]