ჩავი ერნანდესი მალიორკასთან მატჩის წინ

"მალიორკა" ფიზიკურად ძლიერი გუნდია, მათ მოედანზე თამაში რთულია. იოლი თამაში არ გველის. 

ფრენკის არყოფნა დიდი დანაკლისია. ის ჩვენი სტილის გათვალისწინებით საკვანძო მოთამაშეა. დე იონგის დაბრუნება თავის შეგრძნებებზე იქნება დამოკიდებული. ნახევარდაცვაში მის შესაცვლელად ბევრი ვარიანტი გვაქვს.

"სელტასთან" თამაში გავაანალიზეთ და შევაფასეთ, რა გავაკეთეთ არასწორად, რათა შეცდომები აღარ გავიმეოროთ.

პედრი ვარჯიშზე კარგად გამოიყურება და ვიმედოვნებთ, დაბრუნებას მალე მოახერხებს.