ჩავი ერნანდესი ანტვერპენთან მატჩის წინ

პერსონალთან ერთად ვცდილობთ ვფოკუსირდეთ იმაზე, რისი კონტროლიც შეგვიძლია, რათა მოთამაშეები ყოველდღე მაქსიმალური მოთხოვნით ვავარჯიშოთ. როცა ლაპორტამ დამირეკა ჩამოსასვლელად, ყატარში ჩემს პერსონალს ვუთხარი, რომ იქ გარკვეული კუთხით კრიტიკა იქნებოდა და ისინი ადაპტირდნენ. პერსონალში ჩვენ ყველა კულეებად ვართ დაბადებულები და ვიცით რამდენად მომთხოვნი კლუბია.

დარწმუნებულები ვართ, რომ გარედან კრიტიკა არსებობს და "ჟირონასთან" მარცხი ნორმალურია, მაგრამ შიგნით ჩვენ გაბრაზებულები ვართ, რადგან მიუხედავად იმისა, რომ გამარჯვებისთვის ბევრი რამ გავაკეთეთ, მაინც დავმარცხდით. იგივე იყო მადრიდის "რეალის" წინააღმდეგაც, ჩვენ უკეთესად ვითამაშეთ, მაგრამ ორი ზონა ვერ გავაკონტროლეთ და ეფექტურობა დავკარგეთ. ახლა ამაზე რეაგირება უნდა მოვახდინოთ, რადგან ეს მნიშვნელოვანი თამაშია, მიუხედავად იმისა, რომ ჩემპიონთა ლიგაზე ჩვენი ამოცანა უკვე შევასრულეთ.

როცა ვამბობ, რომ "მშენებლობის პროცესში" ვართ, ვგულისხმობ, რომ უნდა გავუმჯობესდეთ, ახალი მოთამაშეებით, ახალგაზრდა მოთამაშეებით, ჩვენ ევროპა ლიგიდან მოვდივართ, მაგრამ გამარჯვების მაქსიმალური მოთხოვნით. ვგულისხმობ იყო მუდმივი გამოწვევების მისაღებად, მე არ ვამბობ, რომ დრო მჭირდება, ვამბობ, რომ ჩვენ უკეთესად უნდა ვითამაშოთ. თვენახევრის წინ უკვე ვთქვი, რომ ვფიქრობ უკვე ნახევარი გზა გვაქვს გასავლელი, რათა დიდი "ბარსა" გავხდეთ. გასულ წელს ჩემპიონატი და სუპერთასი რომ არ მომეგო, აქ არ ვიქნებოდი. ჩვენ ყოველთვის უნდა მოვიგოთ.

კარგია, რომ ხალხი ჩაერთო, ლევანდოვსკი, არაუხო და გიუნდოგანი ბოლოს შემოგვიერთდნენ, რადგან საბოლოოდ ღამის გათენება ანტვერპენში მოგვიწია, ამან გეგმა შეცვალა და ასევე ჩვენთვის კარგია ერთად ყოფნა.

ჩვენ ხვალ გადავწყვეტთ, მაგრამ ახლა კარგი დროა ახალგაზრდა მოთამაშეებისთვის დროის მისაცემად, ან იმ მოთამაშეებისთვის, რომლებსაც ბოლო დროს ნაკლები შესაძლებლობა მიეცათ. ჩვენთვის ეს ნორმალური და ლოგიკურია, რომ ცვლილებები გავაკეთოთ.

ეს გადავწყვიტეთ როგორც კლუბმა, პრეზიდენტმა, დეკუმ, მოთამაშეებმა, ტექნიკოსებმა.... ეს ცვლის მარშრუტს, ერთ ღამეს ანტვერპენში და ამიტომაც შევცვალეთ სია.

დაისვენებენ თუ არა ლევანდოვსკი, გიუნდოგანი და არაუხო? იდეა იმაში მდგომარეობს, რომ ცვლილებები გავაკეთოთ, რათა დავასვენოთ ისინი, ვისაც კუნთების დაღლილობა აქვს. მათ ეს აქვთ. შევხედავთ. ხვალ გადავწყვეტთ.

ვან ბომელს ჩემი ესმის, მას თანაგრძნობა აქვს.... მასთან ძალიან კარგი ურთიერთობა მაქვს, მას აქვს უნარი და ლიდერული თვისებები, რათა დიდი რაღაცები აკეთოს, ის სამუშაოს კარგად ასრულებს. ის თავის შტამპს ასოციაციის თამაშით ტოვებს. ის ძალიან კარგი მწვრთნელია და მომავალშიც ასე იქნება. ის რთულ ჯგუფში მოხვდა, "ბარსასთან", "პორტუსთან" და უცნობ, მაგრამ ძალიან კონკურენტუნარიან "შახტართან".

ჩემთვის ძალიან ნათელი შანსები იყო "ჟირონასთან", არა ყველა 31-ვე, მაგრამ ექვსი ან შვიდი. ჩაკეტილი თამაშების ნაკლებობა არ არის, ეს მადრიდის წინააღმდეგ არ მომხდარა. ზოგიერთ მატჩში, რომლებიც მოვიგეთ, გაგვიჭირდა, რადგან ისინი არ ჩავკეტეთ. "ჟირონას" წინააღმდეგ კი ბოლოს ანგარიში 2-4 იყო. უნდა გავაუმჯობესოთ ჩვენი ეფექტურობა და თავდაცვითი სიძლიერე.