ბარსელონა 3-2 ალმერია | მიმოხილვა

"ბარსელონამ" ლა ლიგის მე-18 ტურში "ალმერია" 3-2 დაამარცხა.

ჩავის გუნდმა ანგარიში 33-ე წუთზე რაფინიას გოლით გახსნა, თუმცა ტაიმის მიწურულს მეკარესთან პირისპირ გასულმა ლეო ბაპტისტაომ წონასწორობა აღადგინა. 

მეორე ნახევარში "ბარსა" გააქტიურდა. მე-60 წუთზე რაფინიას ჩაწოდების შემდეგ სერჟი რობერტომ თავური დარტყმით "ბარსელონა" კვლავ წინ გაიყვანა. 71-ე წუთზე ინიაკი პენიამ გამოსვლაზე ცუდად ითამაშა და ედგარ გონსალესს ცარიელ კარში გაატანინა. მიუხედავად ამისა, 83-ე წუთზე სერჟი რობერტომ დუბლი შეასრულა და თავის გუნდს მაინც მოაგებინა. 

"ბარსელონა" ამჟამად 38 ქულით მე-3 ადგილზე იმყოფება. 

კატალონიურ გრანდს 22 დეკემბერს, თბილისის დროით 06:00 საათზე, დალასში მექსიკურ კლუბ "ამერიკასთან" ამხანაგური მატჩი აქვს ჩანიშნული. ეს "ბარსასთვის" წლის ბოლო შეხვედრა იქნება.